FattyBoi pizza and burger – 薄餅外賣自取

🐽 招牌食肉獸手工薄餅 餅底係薄脆型，邊位帶啲焦香咬落好香口。茄醬酸甜平衡，芝士量夠曬足料，拉絲效果一流。辣香腸同墨西哥辣椒嘅辛香好出，雞肉丁同肉丸都醃得入味，整體係啱曬鍾意濃味嘅食肉獸 🐽 經典和牛漢堡 個包身烘得脆得嚟唔乾，M4和牛肉真係有料到，咬落肉汁爆出嚟，牛味濃但唔膻。焦糖洋蔥煮得夠淋甜，車打芝士半融狀態最正，酸瓜同生菜夠凍夠脆，平衡返啲油膩感 🐽 脆香雞翼 外皮炸得似蜂巢咁脆，咬落索索聲但完全唔油。醃得夠入味連雞胸位都唔鞋，蒜蓉汁分開上，自己調味幾貼心 🐽 黑松露薯條 即炸熱辣辣，幼身薯條勁脆口。黑松露醬落得重手，仲撒咗啲黑松露增加香氣

#christine開飯日記［元朗都有手工pizza買啦🍕] 果日係元朗搵野食，睇到依間即製手工pizza好吸引，即刻買左吸試下🥰又真係有驚喜woo 🌟The Hawaiian 夏威夷風情手工薄餅 $112 Pizza我哋就叫咗最經典嘅夏威夷風味，可以透過玻璃見到師傅由麵團開始搓，到放餡，入面有番茄醬、馬蘇里拉水牛芝士、火腿、菠蘿。pizza 批底厚薄好適中，而且好煙韌。餡料落得一啲都唔手軟👍性價比超高。 🌟Wagyu Burger 經典和牛漢堡 $82 和牛漢堡都好厚身亦都好多汁,而且麵包好軟熟👍加上生菜、番茄、酸瓜、洋蔥口感更加豐富 🌟Crispy Chicken Wings with Garlic Sauce 蒜香脆雞翼 $45 雞翼炸得好香脆點賣蒜蓉醬超級惹味👍而且佢份量都有好多嘅，都幾抵食㗎。佢嘅雞翼仲要係單骨雞翼👍啱晒我呢啲懶人 🌟Freshly Made Doughnuts即製甜甜圈（$25） 超級大推佢呢個冬甩👍佢呢係即叫即炸嘅，朱古力味超好味而且朱古力醬好多已經爆晒醬👍 🍴FATTYBOI Pizza and burger (元朗) 📍元朗金輝徑28號好盛洋樓地下14A號舖

估唔到元朗都食到現場即製手工pizza 係即叫即做，而且可以睇晒整個製作過程，將麵團拋下拋下就整到個餅底！ 好勁 🍕The Classic 意式經典手工薄餅係最傳統無肉類喺入面，可以食到餅底既原味，質感係外圍香脆，，再配上芝士🧀同埋蕃茄醬，更加香口～🍕 The Hawaiian 夏威夷風情手工薄餅呢款係加左菠蘿🍍同埋火腿既餡料，係唔少香港人鍾意食既口味除左pizza仲有小食，揀左一款鹹食、一款甜食，單骨雞翼又係即叫炸，好香好脆卜卜

The food at this takeaway shop is made to order. Although I waited 20 minutes, it was worth it! I tried the 🍴Meat Lovers ($125), and at first, I thought they only excelled at making delicious pizza, but it turns out the 🍴The Company Burger ($85) was also outstanding! Additionally, the Truffle Fries that came with the burger, the Crispy Shrimps with Truffle Sauce ($52), and the 🍴 Freshly Made Doughnuts ($50) were all pretty good too. It’s a takeaway place with a great value for money~ IG: tracyloveliving 呢一間外賣小店嘅食物係即叫即整，雖然等咗20分鐘，但值得等待！試咗🍴招牌食肉獸手工薄餅（$125），開頭以為佢只係做Pizza做得好食，原來竟然🍴煙肉芝士和牛漢堡（$85）都非常出色！另外跟 burger 嘅黑松露蛋黃醬薯條、黑松露脆蝦（$52）同🍴即製甜甜圈（$50）都做得唔錯，係一間性價比頗高嘅外賣店～ IG: tracyloveliving

pizza即叫即製，即製麵團打成批底 再塗上蕃茄醬，同埋加配料，放入焗爐 出爐個陣香噴噴，新鮮熱辣辦🤪 招牌食肉獸手工pizza🍕 個底係蕃茄醬🥫 放咗勁多水牛芝士，拉芝效果冇難度 配料好豐富，有意大利辣肉腸、肉丸、雞肉等 食落啖啖都係toppings，口感十足 做到小小拉芝效果 ！ 經典和牛漢堡嘅包皮係用咗奶油麵包 香濃牛油味🧈 配料有生菜、蕃茄、酸瓜、洋蔥、M4和牛肉餅、焦糖洋蔥、車打芝士 口感層次超豐富！ M4和牛肉餅juicy多汁，估唔到加咗焦糖洋蔥味道咁夾🤤 另外幾款小食，可以開心share 黑松露薯條🍟 黑松露特別香，唔使加茄汁都可以！ 蒜香脆雞翼即炸，雖然單骨但啖啖肉 辣得嚟好香口~🤤