War Rooms by Top Blade – 美式牛扒屋

- 呢間係top blade steak lab開的，以二戰時期邱吉爾嘅辦公室作為主題，所以質素都有保證，前菜烤牛骨髓配上脆嘅手工麵包勁香勁好食、油脂極豐富，經過醃製配上蛋黃醬黑椒橄欖油同埋芝士碎嘅生牛肉正常發揮，牛肉串Juicy配上荷蘭醬仲好食，牛舌芯烤得啱啱好，凍湯飲落清新有蕃茄味 牛扒三重奏我哋嗰台比隔籬枱細件一啲，由封門柳開始食起，再食牛板腱同埋朱古力和牛，牛扒煮得啱啱好，口感軟嫩，我個人最鍾意朱古力和牛，食落夠哂油脂好食 個和牛煲仔飯勁香，飯焦啱啱好，但係食落味道唔濃 最後配上蕃紅花雪糕作結，比起雪糕，我覺得佢更加似雪葩 侍應服務好好，有啲侍應之前食top blade steak同埋研香見過，成個Menu鋪排都好有心思 - War Room 8-course Tasting Menu | $1,560/2 加一 。手工麵包配烤骨髓 。秘製意式生牛肉 。850度牛串 (每人一串） 。乾式熟成和牛舌芯 (每人兩件） 。凍湯 。《廚師發辦牛扒三重奏》 /每人一碟 澳洲Mayura M9+朱古力和牛 28天乾式熟成 Prime 牛板腱 Prime 封門柳 。頂級M9+和牛煲仔飯 。蕃紅花雪糕 - 📌#sorriso_中環 #sorriso_中西區 - 👅【War Rooms by Top Blade】 📍中環士丹利街11號Stanley 11 LG樓 更多食評ig: @sorriso.foodie.hk - #foodie #foodiehk #hkeats #不專業食評 #打卡 #相機食先 #食好西 #食評 #852foodie #吃貨 #foodstagram #foodphotography #中環美食

近期食過最多飯焦最高級嘅煲仔飯！ 成間店只係做一款全牛嘅Tasting Menu （除甜品之外） 想食Fine Dining又想滿足食牛嘅慾望一定係呢到！ 就連 book 枱嗰時收到嘅 confirmation message 都勁有心機做到成個機密文件咁🤫 每晚只係招待 5 組客人，可以放心唔會趕你走 以二戰時期丘吉爾的辦公室為餐廳主題，體驗一晚丘吉爾的生活 想追求 full experience 可以加埋 Wine Pairing 試邱吉爾每朝都會當水飲嘅Whisky Soda 同埋生平開超過42,000枝，佢至愛嘅 Champagne🍾 ◞ 手工玻璃麵包配自家製牛油🍞🧈 一開始無限 refill嘅crystal bread 好薄又鬆脆！ 自家製牛油用日本A5和牛脂肪嚟整 即使搽到成塊包都係牛油，食落口都唔覺得油膩～ ◞ 雪茄生牛肉他他 你以為喺雪茄？ 原來係 Beef Tartarte～ 摸上手都唔會好油，外層用炸春卷皮包住USDA prime 牛肩他他 仲有椰絲去製造煙絲效果，配埋個醬汁好開胃 ◞ 黃金蠔牛批 切唔開添🤣🤣 因為酥皮下面真係包住成個岩手縣原隻殼蠔，仲釀咗啲牛肉落去！都幾唔錯 ◞ 牛肉佐花椰菜慕斯 同印度嘅Pani Puri類似，不過個餡係牛肉粒+咖喱+沙茶醬，味道就淡左啲啲 同埋要快啲食🤣 因為啲汁好快就搞到個 puri 塌咗 ◞ 花雕牛肉清湯 Fine dine 少見嘅清湯，要清清個味蕾～ 湯頭跟足法式做法，再加埋鮑魚粒、白菌、杞子、紅棗同慢煮12小時牛肩 又中又法式聽落好搞笑但好好飲！ ◞ 廚師發辦主食二重奏 —— 和牛漢堡，食落勁 juicy 配埋松露醬一啖咬落去超滿足 ٩(ˊᗜˋ*)و 配菜喺好香口嘅薯仔絲 —— 和牛板腱 建議+$90升級A5鹿兒島和牛～ 前者啖啖肉味，軟中帶爽，切出嚟顏色粉嫩好靚 後者細細舊入口即化，齒頰留香 Side Dish 係炸蔬菜薯波配紅酒燴啤梨同牛肉汁 ◞ 頂級M9+和牛煲仔飯 以後見到煲仔飯都會諗起呢間餐廳！ 全晚最印象深刻嘅菜式！ 竟然係 Fine Dine 食到 15min 即煮煲仔飯！ 個人覺得唔洗額外加牛肝菌已經好滿足～～～～ 用咗全澳洲得 5%、每日食2kg朱古力大嘅M9+全血和牛Mayura （牛比我食得更好...) 仲落咗鵝油去啲飯到，每粒米飯索飽曬油香 仲有勁多卜卜脆嘅飯焦好正！ 開心～～ ◞ 蕃紅花雞蛋甜品 原來蕃紅花可以做甜品？個味道係幾特別的 但我都係鍾意底層嘅香芒雪葩多啲hahaha🥭 打碎低卡糖整嘅雞蛋殼，再配菠蘿焦糖粒同椰漿忌廉 旁邊個醬汁仲有啲杞子(?)菊花(?) 嘅味道添！ 整體食落幾清新～✨

War Rooms by Top Blade 📍中環士丹利街11號Stanley 11 LG樓 訂位當日突然收到個神秘短訊，好有儀式感俾咗封top Secret嘅邀請信你 位置係間餐廳嘅basement, 座位非常闊落，完全唔會見到其他客人，每上一道菜都詳細解釋，呢個價錢CP值非常高👍推薦被所有牛魔王 $780 8道牛肉omakase 👌手工麵包配自家製牛油 牛油牛味勁重，同埋有少少蔥味 👍雪茄生牛肉他他 雪茄入面釀左生牛肉，個酸味岩岩好 👌鵝肝牛肉配馬德拉醬 👌牛肉配花椰菜慕斯 👌布拉塔芝士番茄清湯 👍迷李和牛漢堡配炸洋蔥絲 炸洋蔥絲勁香口，超級好食 👌封門柳/+$90 升級A5和牛配紅酒啤梨醬汁，千層薯仔配明太子酸忌廉 和牛油脂較香比封門柳更加冧，值得被多$90 👌+50加牛肝菌頂級M9+和牛煲仔飯 待應會即場用gas爐將煲仔開火加熱（內面已經有生米加上西班牙肉腸、牛肝菌、洋蔥），生米煮成熟飯之後，加入生M9+和牛粒同甜豉油冚蓋，幾分鐘後就Ready食得 視覺同香味搭救左個飯，因為睇完好令人期待煲仔飯味道，但食落幾普通，加$50食唔到牛肝菌香味，而且飯底偏乾硬 👌番紅花+ 芒果香橙雪葩

超高質抵食牛扒餐廳，牛魔王必去！Top Blade嘅高級line，War Rooms by Top Blade，先來結論：而家係$780一位，我同男朋友食完都覺得，收$1080一位都值！（真係唔係鱔稿唔係廣告，真係好食）另外就係招呼我哋嘅哥哥仔都超好！每道菜都解釋得詳盡，而且樣貌好自信（褒義），真係有種佢哋對食物好有信心，相信你都會鍾意嘅感覺，大加許！！ 🥩 舖頭喺Top Blade中環店嘅地庫，用邱吉爾做主題（詳情唔太劇透，等到時聽店員介紹故事～）今個月頭我就揀咗佢食男朋友生日飯，碰上佢11月轉新Menu，好好食！頭盤手工麵包配烤骨髓，兩個人都有一大條，比你搽4塊麵包，牛骨髓香到不得了，牛味香得嚟唔會話有陣羶味，而且雖然佢係骨髓，但食落唔會好油膩。至於手工麵包，佢係似法包類但比較薄，唔會太硬又唔會好韌，脆脆地，配住骨髓又唔會淋咗，第一個頭盤已經好好食！ 🥩 雪茄生牛肉他他，呢個係11月秋冬天新加入嘅項目，牛肉他他捲成雪茄嘅樣，放入雪茄盒，我衰唔記得咗個皮係咩嚟，其中一邊有啲椰絲碎，而牛肉他他都混入咗啲香草（！？），佢係好食，但相比起全個餐嚟講唔算好wow，因為唔算太凸顯到牛本身，但要強調佢都係好食嘅 🥩朱古力²牛面頰，用咗加入朱古力嘅汁，煮朱古力和牛。最初以為係甜，但其實唔係，反而食落第一啖覺得有少少牛腩feel，佢係「炆」向嘅牛嚟，再食多兩啖就食到朱古力嗰種後勁同回甘，味道幾match 🥩之後就係全晚VIP，乾式熟成和牛舌芯，真係驚為天人！平時都會喺烤肉店叫牛舌，但呢個係比平日食嘅好食多幾倍，外面煎得焦香，入面仲係粉嫩又彈牙，仲好有油香，每人兩件，食每一啖都驚嘆一次 🥩牛肉清湯配雲吞，一開始睇個名無好期待（haha），竟然到最後佢嘅排名幾前！上菜嗰陣碟上面有炸雲吞同意大利青瓜粒，之後再有一壺熱嘅牛肉清湯倒落青瓜粒度，無諗過牛肉清湯咁好味！香牛味好濃之餘又唔漏，好鮮甜，加上因為都真係少見牛肉湯，一飲就覺得好特別好正！至於炸雲吞入面係包住蝦，都好食！ 🥩之後就到最期待嘅主菜廚師發板牛扒三重奏，有澳洲Mayura M9+朱古力和牛、28天乾式熟成Prime牛板腱，同埋Prime封門柳，上菜前會先睇到生嘅牛肉們。三種唔同嘅質感，唔同味道嘅牛，staff會介紹埋進食次序，滿足到你唔同嘅喜好／願望。Prime封門柳肉味濃、有咬口，乾式熟成Prime牛板腱有陣風乾臘肉氣息，又唔會over咗，相對質地好彈牙， M9+朱古力和牛就油花好香，我最鍾意係乾式熟成Prime牛板腱，比較少見，食落亦特別。另外，連配住嗰條菜同嗰舊多層薯仔都好好食！ 🥩頂級M9+和牛煲仔飯，其實煲仔飯未上之前已經好飽，但個和牛煲仔飯真係無法抗拒！上菜前十零分鐘就見到職員喺出面開始煲，途中有加啲油入去，離遠已經聞到好香好香，一上菜先發現原來和牛粒同豉油係上到檯先加，即係頭先只係白飯就已經勁香！加完和牛粒再焗5分鐘，一打開香到不得了，飯焦金黃香脆又唔燶，和牛嘅油香經熱力滲晒落去飯入面，極邪惡但好正 🥩最後就有甜品蕃紅花雪糕，無乜食過蕃紅花，覺得神奇，呢個唔形容咁多，比大家去試下！ 🥩另外加咗份$299嘅Churchill’s daily routine，入面有4杯酒，可以兩個人share飲，都唔會覺得個量好少，大家都不妨一加！

超隱蔽扒房地庫 $780食八道菜全牛fine dining🍴‼️ 士丹利街嘅平民扒房Top blade應該好多返工人都識 但你又知唔知入面有條樓梯落地庫就食到牛扒fine dining! 以英國二戰時期辦公室 Churchill War Rooms做主題 上網book完位張notice會整到好似密函咁 勁得意 每晚只會接待5組客人 所以建議想食要book位 𝟴 𝗖𝗼𝘂𝗿𝘀𝗲𝘀 𝗗𝗶𝗻𝗻𝗲𝗿 𝗦𝗲𝘁($𝟳𝟴𝟬𝗽𝗽) 🤍手工麵包配烤骨髓 | Rating: 8/10 勁香嘅牛油同香草味 配上香脆嘅麵包 其實冇得輸 但唔夠我喺上環食過嗰間咁入口即溶 會有啲難𢳂起 加上份量唔係好夠分到四塊麵包 大條少少就好 🤍雪茄生牛肉他他 | Rating: 7/10 原諒我對生牛肉他他都仲未做到喜愛嘅程度 入口冇令我覺得食緊一堆好腥嘅生肉就ok 呢個用雪茄造型上 外殼薄脆有增添咗口感 調味微微帶酸 食落開胃 我唔好生牛肉都覺得冇咩問題 🤍朱古力牛面頰 | Rating: 7.5/10 牛面頰用慢煮嘅方式 肉質已經煮到一絲絲好軟腍 用朱古力醬汁係幾特別 食落意外地唔係甜味 而係帶朱古力香氣嘅咸醬汁 再帶些微朱古力嘅苦澀 我自己就覺得幾特別但未到好夾 朋友好似比較欣賞佢 🤍乾式熟成和牛舌芯 | Rating: 9/10 我對牛舌都算幾挑剔 平時厚切嘅要整得好好先會食 因為一有少少雪味/太硬我就會覺得同隻牛打緊茄輪 但呢個應該係暫時我食過數一數二嘅牛舌 先唔講牛舌芯個口感會再嫩啲 熟成令個牛香更濃郁 入口輕易咬爛 唔洗過多調味 少少檸檬汁同wasabi鹽已經夠! 🤍牛肉清湯配雲吞 | Rating: 6/10 同朋友一致唔識欣賞嘅牛肉湯我已經唔識形容陣味 唔係中式煲出嚟牛肉湯嘅味 又唔係西湯嘅感覺 文字形容唔到我嘅感想🫠反而伴碟嘅蝦肉他他雲吞好食! 🤍廚師發辦牛扒三重奏 | Rating: 8.5/10 應該算係餐飯嘅主菜了 分別有Prime封門柳 28日乾式熟成Prime牛板腱 同M9+朱古力和牛 比較喜愛封門柳同和牛 和牛脂香感最重 肉質最軟嫩 個牛板腱我就麻麻 有陣煙燻味+超重嘅肉味 唔係太習慣 但要提翻伴碟嘅千層薯仔同炭烤菇菜係高質的!! 🤍頂級M9+和牛煲仔飯 | Rating: 9/10 只係得白飯同和牛粒同鼓油 三樣睇落簡單嘅材料 但都要飯粒好食 牛肉靚 焗得出個香氣先成功 呢個得! 淋上兩圈鼓油再倒入和牛粒 同飯焗幾分鐘 每粒飯都沾到和牛嘅油香 粒粒分明 仲要有脆口嘅飯焦 食到呢度其實已經太飽 最後食唔曬煲飯🥹 🤍蕃紅花雪糕 | Rating: 8/10 雪糕入口細滑 味道比較清新 幾適合做呢餐飯嘅收尾 蕃紅花嘅份量恰到好處 啱啱好食到 又唔會太多有”腥”味 配上果仁碎同脆片增添口感 整體亦唔會太甜 總結係有一兩道菜唔太識欣賞 但overall體驗都算好好 呢個價錢 喺中環 食材上等 食得超飽 環境私隱度高 坐得舒服 服務態度好 完全冇催冇趕 可以慢慢食慢慢傾 會話係CP值超高嘅餐廳 嚟慶祝生日紀念日完全得‼️ 另外要讚嘅係Wine pairing只需要加$299就有4杯 係邱吉爾最愛嘅Champagne Whisky soda同Porto配搭 仲要唔一定按人頭加 我同fd可以一齊分嚟飲 對於我呢啲淨係想飲少少餸住啲嘢食嘅人真係好friendly🥹