沙田凱悅酒店咖啡廳 – 自助餐餐廳

和家人來這裡吃自助餐，食物款式多元化，食物質素尚算中上，整個取食物區域不太大，冷盤魚生, 扒房, 中式, 甜品大概佔據4個位置。 最有特色的是，他們會預備一些稍為特別的菜式，部長會彈琴邀請食客出來排隊攞，跟着便有一大條隊排出來了，最好的是他們供應的特色食物，條龍排到長一長都可以攞得到。 當晚三款特色食品點評 1. 鵝掌花姑魚肚，質素一般，後來發現不用排隊，也可以隨便囉🤣 2. 火焰龍蝦，成個百隻龍蝦放在一個特別的鍋上面煮，再加上點着了的酒增加味覺，這些龍蝦是冷盤的熟龍蝦所製造，因為已經是再加熱，所以會俾較韌少少，味道方面比較重味，不難食，也不覺特別好食。 3. 斧頭扒，一大件斧頭扒，切開一件件淋上黑椒汁，加薯蓉上，其實沒有什麼特別，加上黑椒汁搶去牛扒的鮮味，後來吃了一件沒有汁的，其實沒有太大的牛肉味。 整晚我拿了兩次的，就是羊扒，他們的羊排味道很濃郁，很惹味。另外中式鮑魚也是無限供應，很軟滑，不妨食多兩件。 甜品方面都尚算多樣化，最開心是有haagen dazs雪糕，也可以請師傅整一個「倒轉甜筒雪糕杯」給你打卡。 另外，在這裏可以預先要求他們在小蛋糕上寫字慶祝，為親友獻上一點心意，影張靚相。以600多元一位來說，價錢不算貴，也不算平，但整體服務食品質素都尚算中上級，有機會可以再回來

٩(๑❛ᴗ❛๑)۶推薦！沙田凱悅酒店自助餐 紅日前夕約朋友黎大學站食酒店buffet，6點幾去到都8成full～Openrice book位有6~7折，計返都唔算好貴。最緊要環境坐得幾舒服，staff全部都好友善有禮貌，好加分💯 1915同1930會叩鐘，分別有芝士焗龍蝦同斧頭扒，可以排隊拎～條隊勁快所以完全唔使擔心，2樣都好好食 🔅海鮮 有長腳蟹、龍蝦、扇貝，夠新鮮，幾肥美🤭 🔅熟食 主要分中同西式，睇完黑白大廚見到東坡肉忍唔住想食，都幾入味，仲有鮑魚、花膠、蒸石斑🐟、車仔麵🍜 🔅沙律冷盤 選擇都好豐富，魚生都唔錯🍣 🔅甜品 比一般酒店甜品好食，平時好多都得個樣🤣，仲要選擇夠多。法式千層酥既酥皮唔會太厚，又夠脆，唔會食到好狼狽🤭。另外仲有即叫即整pancake、雪糕、生果等等～🍍超超超甜！窩夫新鮮出爐都幾香幾脆 🔅飲品 選擇唔算多，不過呢樣唔係重點所以ok🤣 💬雖然酒店喺大學站但都好就腳，環境、食物同staff都比之前食過既好，overall好滿意

2024年9月2號晚餐 提早請家人食中秋團圓飯， 星期一至日晚餐自助餐價錢和食物也相同，而且沒限時由6點到10點，可以慢慢享用美食 可能是平日晚餐自助餐，沒有太多顧客，感覺職員比顧客還多 地點方便，距離大學站大約5分鐘路程 咖啡廳位於酒店L層，咖啡廳樓底很高，座位舒服，環境不嘈吵，只是覺得冷氣不太足夠，還有洗手間環境昏暗 服務很好，吃完的碗碟很快被收走，而且主動加水，廚師們也很主動查問顧客需求和派發食物 長腳蟹很出色，吃得出鮮味，肉質結實彈牙，不會過咸，好耐沒有吃過自助餐這麼好吃的長腳蟹了 有冷盤龍蝦和芝士焗龍蝦，也很好吃，但比較喜歡冷盤的龍蝦，肉質較爽彈鮮味，焗龍蝦的肉較結實 沙律選擇也很多，每款都好新鮮和好吃，比較喜歡蕃茄那盤，各款不同顏色的蕃茄，很好吃 刺身有帶子，三文魚，吞拿魚，甜蝦等等，只吃了某幾款，都好鮮甜，還有壽司，但因為太飽就沒有吃了 湯有2款，熟食款式也多和好味，refill的速度也很快，最意想不到是烤肉很好吃，皮脆肉嫩，pizza也是很好吃， 甜品也好吃，還有即制pancake,有雪糕球，最喜歡麵包布丁，很香，但不會太甜 飲品選擇少，只有咖啡機和一款飲品，但忘記了是什麼了，很像果汁的，不會太甜，好喝 有很多款食物也未嘗試，因為太飽了，下次會再去這裡食自助餐的，因為各款食物都好平均，很好吃，大人和小朋友也很滿意，吃得很開心

龍蝦肉死實，蟹腳咸乾，牛羊豬和其他都一般，網上訂座後7折 兩人都要$11××.

又係買一送一今次嚟到沙田大學站的Hyatt Regency Cafe. 佢哋dinner buffet冇分幾輪，可以由6pm食到10pm 👍🏻 餐廳樓底好高，又有落地玻璃，所以一入到去嘅感覺係光猛同舒服 凍盤有各類cold cuts, cheese🧀刺身、壽司🍣（不過得2款揀）、沙律🥗、海鮮，樣樣都好新鮮。特別係煙三文魚同蟹腳，完全唔鹹，鬼佬好欣賞👍🏻 熱盤都好多選擇，可能臨近農曆新年，有好多中式食物，例如雲吞🥟、薑葱蒜蓉炒芥蘭苗、咖喱豬皮魚蛋蘿蔔、車仔麵、豬腳薑、蒸魚、花膠、鮑魚、鮮蝦炒荷蘭豆、老火湯……有好多菜，我好欣賞👍🏻西式野都唔少，有雜菜湯🥣pizza🍕, lasagna (鬼佬話係佢食過嘅lasagna之中最好食嘅）,三文魚,roast beef🥩, roast potatoes, lamb, slow cooked chicken……. 甜品有即整crepes, waffles🧇（熱辣辣脆卜卜，有朱古力醬、花生醬、煉奶、不過冇maple syrup,有啲失望）,迷你donuts🍩、拿破崙、cheese cakes,奶凍、各款蛋糕🍰、葡撻、泡芙、涼粉、芝麻糊、自家製雪糕🍦（可以要雪糕筒）。我哋strongly recommend 咖啡味同藍莓味雪糕，再配passion fruit爆珠，好好味 飲品方面有熱咖啡☕️任飲，仲有熱薄荷薑味檸蜜，都係任飲。如果都唔啱，dinner buffet每人都包咗一杯飲品，我要咗熱檸蜜，鬼佬就要咗凍黑啡。 2個人連加一$950埋單，比你食足4個鐘，人又唔多唔嘈，以dinner buffet 嚟講性價比係幾高👍🏻睇日如果又有同樣優惠大家不妨一試