媽咪雞蛋仔 (元朗教育路店) – 小食/零食吧

【元朗香噴噴街頭小食 - 外脆內軟雞蛋仔】 成日都俾媽咪雞蛋仔陣味吸引著👃🏻，即叫即整，長期都排哂長龍，一等起碼25分鐘以上，為左個好食既雞蛋仔都值得既。 ————————————♥———————————— - - - - - - - - - - - - - - - - - - - - - - - - - - - - - - - ♥️ 粒粒朱古力雞蛋仔 $27 職員溫馨提示等幾分鐘先食會再脆口啲，紙抽袋有疏氣窿窿，唔會焗到淋哂。 香噴噴雞蛋仔味，水準一如既往保持到外脆內軟既質感，咬開入面係溶左既朱古力甜度剛剛好。 - - - - - - - - - - - - - - - - - - - - - - - - - - - - - - - ————————————♥————————————

好耐都冇食過格仔餅啦！今日嚟咗元朗搵嘢食，又係“掃街”嘅時候啦！食完啲辣辣地嘅嘢，就要食個甜品啦！格仔餅同雞蛋仔就決定揀格仔餅 呢間媽咪雞蛋仔都幾多人排隊，等嘅時間都比較耐，同朋友叫咗一份格仔餅分享嚟食，當然兩個決定都係要原味。服務都幾好，同佢講咗格仔餅要切開，佢真係同我哋分開🤭 等咗十幾分鐘，終於到到手了，格仔餅外脆內軟，有好香嘅花生醬，煉奶，仲有少少嘅砂糖，配埋個格仔餅，口感豐富，還有好香嘅蛋味。下次真係要多醬，應該仲好食。 一個格仔餅兩個人食啱啱好。

抹茶雞蛋仔🍵 媽咪雞蛋仔個個蛋漿配方做得好 無論食邊間分店點都會係脆底 咬開個雞蛋仔 無一粒空心 大部分都8-10成滿 但係食過好幾間分店 覺得媽咪雞蛋仔整體好似無以前咁好食 尤其係脆口呢一點 個人認為幾間分店都做得有啲極端 太則向脆個面 咬入口係覺得脆得太硬 食到一半以上會刮口 平衡唔到雞蛋仔糕體應有嘅「鬆」 「綿密」同外層嘅「脆 」 所以我諗鍾唔鍾意媽咪雞蛋仔好睇個人口味…… 等候時間大約10分鐘

#cassiegoyuenlong - 雞蛋仔作為香港街頭小食嘅表表作，其實係街邊周圍都有得食，但係好食嘅真係要特別搵，因為唔係間間都有即叫即整～我至愛都係食媽咪雞蛋仔，佢已經連續五年獲得米芝蓮街頭小食推薦的香港媽咪雞蛋仔，好彩媽咪雞蛋仔分店極多，旺區嘅尖沙咀、旺角、灣仔、銅鑼灣等都有，所以唔洗驚搵唔到。店內長期最熱門的口味係原味、粒粒朱古力、芝士、紫薯番薯，份量大、外酥內軟Q，滋味相當不錯。👍🏿 - 今日去食我就叫左紫薯番薯同牛油果朱古力味，牛油果朱古力味係選用新鮮原個牛油果打成蓉，相當足料，再加上粒粒朱古力增加口感，營造出半流心效果，一咬落口就有雙重滋味！另外紫薯番薯一定係港女至愛啦，裏面有香甜紫薯入口軟滑，加埋黃心蕃薯好咬口，紫薯與黃心蕃薯互相融和，散發出濃濃蕃薯香味！ - 依家仲愈黎愈多飲品選擇，我揀左期間限定嘅香甜紫薯牛乳特飲外，仲有手調日式抹茶系列嘅宇治抹茶牛乳豆花，Yummy！ - 味道評分▶️🌕🌕🌕🌕🌗 (4.5) 抵食評分▶️🌕🌕🌕🌕🌗 (4.5) 回購評分▶️🌕🌕🌕🌕🌑 (4) - ➡️ 媽咪雞蛋仔 (元朗) 📍 元朗教育路1號元朗千色匯地下21號舖 - IG: @cassiecwy/ @cassiegetfat FB: @cassiegotravel

港式小食你喜歡食嗎? 經過過家決定買雞蛋仔 看到有期間限定口味決定試試 還有咸蛋黃耶 另外買兩杯飲品可以有套餐減HKD$4優惠🤭 新鮮熱辣辣的雞蛋仔真的很香 但要快快食才行~ ·黃金雞蛋仔 HKD$30 ·紫薯蕃薯雞蛋仔 HKD$32 ·港式奶茶豆花 HKD$25 ·士多啤梨梳打 HKD$22 食物味道感覺不錯 個人比較喜歡咸蛋黃味很香口 紫著蕃薯挻香而且材料很多🤤 每粒裡面材料滿滿 港式奶茶豆花挻有趣所以點來試 味道挻配合耶[呲牙]